Politika e Cilësisë & Sigurisë Ushqimore
Politika e cilësisë dhe sigurisë e ALFA SH.A bazohet në Parimet e standardeve të implementuara, ka të përcaktuara Objektivat dhe Metodat e saj për të arritur qëllimet e përcaktuara.
Kjo politikë komunikohet në të gjitha nivelet e personelit si pjesë e procesit të drejtimit dhe njohjes së tyre me të gjitha parimet dhe proceset e punës brenda fabrikës. Ajo është e publikuar në fabrikën e ALFA SH.A dhe e hapur për publikun.
Parimet e Politikës
Themeli i kësaj politike qëndron në angazhimin e vazhdueshëm për t'i ofruar konsumatorit produkte të sigurta dhe cilësore, që jo vetëm i përgjigjen por edhe i tejkalojnë pritshmëritë e tyre, përmes novacionit dhe përmirësimit të vazhdueshëm. Për të arritur këtë, kompania ka përcaktuar:
Objektivat e Cilësisë & Sigurisë
• Njohja në sektor si sigurues i produkteve cilësore me profesionalizëm.
• Ushtrimi i aktivitetit në mënyrë të përgjegjshme, transparente dhe efiçente.
• Ruajtja dhe mirëmbajtja e integritetit të auditimit dhe certifikimit.
• Trajtimi i ankesave në kohë dhe marrja e masave korrigjuese/parandaluese.
• Sigurimi i konfidencialitetit të plotë të të dhënave të klientëve.
Metodat e Zbatimit (Cilësia & HACCP)
Cilësia: Përmbushet nëpërmjet Auditimeve të Brendshme, kontrolleve periodike të Sistemit të Menaxhimit nga trupa të akredituar (palë të treta), dhe trajnimeve të rregullta.
Siguria Ushqimore: Zbatimi i rreptë i Planeve HACCP nga i gjithë stafi nën mbikëqyrjen e Komitetit të Higjienës, duke minimizuar ose eliminuar çdo rrezik gjatë prodhimit, paketimit dhe shpërndarjes.
"Asnjë kosto financiare nuk mund të zëvendësohet me vlerën e kënaqësisë së klientëve, kur shqetësimi ynë është që t'i ofrojmë atyre produkte cilësore dhe të sigurta."